gaman..

skellti mér í vigtun í morgun. Og það voru farin 900 grömm…ég er ansi sæl með þetta. Ég hef verið að bæta agann minn svo um munar, en þó einungis síðustu 3 daga, svo þetta er fínt. Nú er bara að halda áfram á sömu braut og þá næ ég takmarki mínu. En eins og ég skrifaði síðast vil ég missa 5 kíló fyrir lok júni, og núna eru bara 4,1 eftir  : )  kanski ég verð bara búin að missa meira, það má sko alveg líka!!

Annars er gjörsamlega brjálað að gera í vinnu og skóla, og ég hreinlega veit ekki hvernig ég á eftir að meika júní mánuð með öllum prófunum og fullri vinnu…pfff.. en þetta skal takast alltsaman einhvern veginn…

gangi ykkur vel,

limoentje…

þetta mjakast…

Jæja, skellti mér í vigtun í morgun, hef ekki komist í 2 síðustu skipti, og ég er nú bara þannig að ef það er ekki pressa á mér, þá leysist aginn minn auðveldlega upp. En, samt sem áður voru 500 grömm farin, sem er að sjálfsögðu betra en ekkert, en ekkert til að hrópa fyrir heldur. En þetta mjakast í rétta átt. Það er mikilvægast!!! Núna eru 3,3 kíló farin síðan ég byrjaði hjá weight watchers, og markmið mitt er 5 kíló í viðbót fyrir lok júní, það ætti að takast, á 2 mánuðum.

óska ykkur góðs gengis, knús á ykkur allar,

limoentje*

still alive….

halló..

hef því miður ekki komist í vigtun síðustu tvo þriðjudaga þar sem ég er byrjuð að vinna á kvöldin aftur. En ég ætla að reyna að fara á mánudagsmorguninn í staðinn! Þetta hefur þó gengið alveg ágætlega svona ein, og ég er reyndar viss um að ég hef lagt af, en það er líka að þakka endajaxla töku sem ég var í á fimmtudaginn, svo núna hríðhorast ég : ) ég passa mig samt að reyna að borða nóg, því annars kemur þetta allt saman til baka á einum degi. Er að reyna í dag, þar sem það er betra að borða núna að borða alla mína punta.

Heilsufrík!! Þú varst að spyrja mig hvar ég færi á fundi hjá weight watchers. Ég  á heima í Evrópu, n.t.t í Belgíu. Mér finnst þetta alveg frábært kerfi sem þeir eru með, og undirstaðan er að þú mátt borða allt. Það er ekki svona mikil boð og bönn, þetta er meira verið að kenna fólki að geta borðað allt í hófi… og það fíla ég!! Ég veit ekki hvar þú ert í heiminum, en yfirleitt geturðu fundið þetta auðveldlega á netinu..

Ef maður er mjög samviskusamur þá getur maður náð stórkostlegum árangri! Þetta hentar mér miklu betur en danska kerfið, með fullri virðingu fyrir dönunum : ) bara sitt hentar hverjum. Svo lengi sem við náum takmörkum okkar!!!

Núna er ég komin á fullt í próflestri, loksins ég byrjaði núna á fimmtudaginn, æðislegt að vera byrjuð. ég er búin að trassa þetta svo lengi. Núna er ég komin í gírinn og þá stoppar mig ekkert. Fyrsta próf er ekki fyrr en 29. mai, en þetta er svo mikið námsefni sem ég á eftir að fara yfir svo það borgar sig að byrja núna.

Vonandi gengur ykkur öllum vel og best að skella sér einn blogg hring núna,

knús á línuna,

limoentje**

enn á niðurleið…

þrátt fyrir páskahelgina losaði ég mig við 700 grömm þessa vikuna. Ég er alsæl með þetta, búin að fara í 3 matarboð og fara út að borða líka og ansi mikið rauðvín runnið inn fyrir mínar varir, það virðist ekki hafa nein áhrif á mig : ) Núna er ég búin að missa 2,8 kíló á þremur vikum. Góður árangur finnst mér. Ég er komin á gott skrið í ræktinni og er komin upp í 57 mín. í brennslu og byrjaði að lyfta pínu í dag, bara 2 tæki til að byrja með og bæti svo smám saman við þetta. Labba líka út um allt og fer léttilega með klukkutíma eða meira labb á dag, samtals. Hjólinu mínu var stolið, svo gangan er tekin við!!!

klukkan er orðin svo margt, vorum að koma heim af jass tónleikum hér niðri í bæ, og núna er komin tími til að skríða upp í rúm…

hafið það gott*

limoentje**

- 700 grömm

700 grömm fóru af mér þessa vikuna, þessi Weight Watchers er alveg að gera sig fyrir mig. Það er munur að hafa pressuna af því að þurfa að fara í vigtun, svo er þetta svo einfalt kerfi, og að ,maður megi borða og drekka allt, það finnst mér vera munur, svo eitt rauðvínsglas hér og þar, gerir engan skaða, ég er lifandi sönnun um það!!! Að sjálfsögðu má maður ekki missa sig í víninu, en það á við um allt. Allt er gott í hófi.

Ég byrjaði aftur í ræktinni í gær, og æ, hvað það er gott að fara aftur að púla. Byrja bara rólelga, 40 mín. í brennslu í gær og 45 mín. í dag. Á morgun bæti ég svo aftur við tímann og í lok vikunnar byrja ég aftur að lyfta. Ekki sniðugt að byrja á öllu  allt í einu. Bara að taka þessu rólega…

Komin í páskafrí í skólanum, og skólabækurnar farnar að gapa á mig, komin tími til að líta í bækur fyrir próftörnina…

hafið það sem best

limoentje*

hihihi : )

Ég er komin á réttu brautina aftur. Fór í vigtun og fund áðan hjá weight watchers, og missti 1,4 kílo!! Ég er ansi sæl með þennan árangur, enda var helgin ekkert til að hrópa húrra fyrir…Það er vonandi að þetta haldi áfram svona..!! eitt kíló í einu…þannig mjakast það….

hafið það sem best,

limoentje*

Ég skráði mig hjá weight watchers í síðustu viku og þetta er hrikalega einfalt kerfi sem þeir vinna eftir. Það hefur gengið alveg ágætlega að fara eftir þessu en  helgin var reyndar hálf misheppnuð og ég á eftir að fara út að borða í kvöld, en fæ mér bara salat og súpu eða eitthvað álíka. Kærastinn minn var ekki heima yfir helgina og þá fer ég að borða af því mér leiðist….hálf stupid, en ég er viss um að það komi fyrir aðra en mig…er það ekki…? Þarf að koma ræktinn líka í betra horf en það var svo brjálað að gera í síðustu viku að ég hafði ekki mikinn tíma fyrir ræktina. Á eftir að vera 1 viku í viðbót í verknámi, og svo er 2 vikna páskafrí eftir það. Þá ætti ég að hafa nógan tíma!!

Ég fer í vigtun og á fund á þriðjudaginn, og þá er að sjá hvað  hefur gerst, ég býst ekki við neinu..ef ég stend í stað eftir svona helgi þá er ég ánægð!!

vonandi gengur ykkur vel og takk fyrir kvittin allar saman… : )

limoentje*

jæja, það þýðir ekkert að hætta bara að blogga og leggjast undir feld. Ekki búin að vera standa mig glæsilega undanfarið, en heldur ekki verið neitt svakalega óþæg, hef verið að passa mig. Búið að vera ótrúlega mikið að gera í skólanum og í vinnunni og aukavinnunni, svo ég hef eiginlega engan tíma til að gera ekki neitt…sem gerir mann svakalega þreyttan. Hef ekki komist í ræktina í langan tíma, og er búin að fá nóg núna!

Á morgun er ég að byrja í verknámi og verð í því næstu 2 vikur. Þá er ég frá 07.30 á morgnana til 15.30 að vinna, og svo er ég að kenna líka og þarf svo að vinna nokkur kvöld í aukavinnunni, ýmist á hótelum eða á veitingastöðum. Sem sagt, þetta verða þungar 2 vikur, en málið er að skipuleggja sig vel. Ég ætla að mæta beint í ræktina á morgun og þriðjudaginn, á miðvikudaginn þarf ég að fara að beint að kenna, og fimmtudaginn og föstudaginn þarf ég að vinna á veitingastað klukkan 18 – 23, þannig að ég veit ekki með þessa 3 daga,  svo á laugardaginn þarf ég að kenna en bara fyrir hádegi svo ég get farið í ræktina eftir hádegi. En það er best að taka bara einn dag í einu og vera ekki að skipuleggja um of. Ég geri bara mitt besta, meira get ég ekki!!

Ætla að byrja að skrifa allt niður aftur á morgun, það virkar alltaf best. Reyna svo að fara á weight watchers fundi, því þar er maður vigtaður, og hugmyndirnar þar eru mjög álíka danska kúrnum. Mikil áhersla á breyttan lífsstíl og mikið af grænmeti og ávöxtum.  Mig vantar svo mikið pressuna af vigtuninni, það heldur manni betur við efnið.

vona að ykkur gangi vel og þangað til næst!!

limoentje*

Árinu eldri…. : )

jæja…loksins skrifa ég!!

Síðasta vika var nú heldur betur frábær. Ég varð 30 ára síðasta fimmtudag, og á þriðjudeginum var bankað upp á hjá mér, það var barasta familían komin alla leið frá Íslandi í óvænta heimsókn til mín. Þetta höfðu þau planað síðan um jól með kærastanum mínum og ég alveg grunlaus!!! Þetta var alveg frábært og yndislegir dagar sem við áttum hér saman. Það er ekkert eins gott og að vera með fjölskyldunni, og þegar maður býr svona langt í burtu er hver mínúta svo mikilvæg. Það var sem sagt ekki mikið af dönsku mataræði í gangi, en ég er öll að braggast og tók upp minn fyrri lífstíl í dag með bros á vör  : )

Mamma kom líka með fullt af uppskriftum úr vikunni, því þetta er eins og ég segi pínu erfitt þegar maður er ekki með DDV hér á svæðinu og maður þarf að impróvisera þetta allt saman, en það hjálpaði mér alveg heilmikið að lesa hvað stóð í öllum þessum greinum, og ég smám saman byrja að læra inn á þetta kerfi.  Ég hef samt enn enga hugmynd um krossana 1 og 2 svo ef einhver hefur mínútu aflögu til að útskýra það pínu fyrir mér…þá væri ég mjög þakklát…

Þarf að fara að vinna núna, og ég læt alveg örugglega heyra frá mér mjög fljótlega!!

gangi ykkur vel!!

p.s ef ykkur vantar smá pepp, kíkið þá á síðuna hennar Össu —-> Assa hér til hliðar, hún er sko búin að missa 7,4 kíló á einum mánuði!!!  ekkert smá flott hjá henni!!!

Allt á uppleið…. : )

jæja, ég trúði þessu nú varla í morgun þegar ég steig á vigtina….en ég er aftur komin í 74 kílo!! halló ég var 76 í fyrradag!!! En það hlýtur að hafa verið svona bjúgmyndun eða eitthvað eftir áfengið..? getur það verið?

Allavegana dagurinn í gær gekk mjög vel og ég er aftur komin á fullt í góðu mataræði, einbeitt sem aldrei fyrr, afmælið kemur með allar sínar dýrðir á fimmtudaginn, ég fæ vini mína frá Íslandi í heimsókn og það veður bara æði!! Passa mig bara að detta ekki í eitthvað ofurát!

Ég er að fara að vinna núna á eftir og svo er planið að skella sér í ræktina í kvöld! Ég er líka búin að skrá mig í kick fun tíma sem eru að byrja á morgun, og ég vona að ég komist í hann, veit ekki enn hvort ég þarf að vinna eða ekki.

Mig langar að þakka ykkur öllum fyrir öll kommentin. Þið eruð svo sætar og hvetjandi, án ykkar gæti ég þetta ekki!! Þetta er svo gott aðhald! Líka að fara á milli blogga og lesa hvað þið eruð allar duglegar gefur manni mikla von, við getum þetta allar ef viljinn er bara nógu sterkur.

hafið það gott í dag, og ég læt vita af mér fljótt aftur!!

limoentje*